Mohamed Sobhy
اهلا وسهلا بكم جميعا فى منتداى الخاص
ارحب بكم جميعا واتمنى ان اكون عند حسن ظنكم
وانتظر اقترحاتكم وتساؤلاتكم

خدوا بالكوا من CTR

استعرض الموضوع السابق استعرض الموضوع التالي اذهب الى الأسفل

خدوا بالكوا من CTR

مُساهمة من طرف mohamed sobhey في الأحد مارس 08, 2015 1:00 am

حبايبي يا حلوين يا بتوع السوشيال وبتوع المحتوى 
أنا قولت أفاجئكم وأعملكم حاجة من العيار الثقيل  
آرائكم ، اقتراحاتكم
خدوا بالكوا من CTR كو 
كل شوية واحد يخرج علينا بمقال يفتخر فيه انه جايب CTR 50% أو أكتر أو أقل - وربنا ما يقطعهالهم عادة - ونلاقى ناس تانية بتسقف وناس تنبهر و وااوو عملتها الزاي ده 
وفى الحقيقة ان كتيير من اللى بيعملوا كده بيبقى الغرض منها بروباجاندا وخلاص علشان يجمع معجبين أو يداروا بيه على فشلهم الكبير فى تحقيق الهدف الأساسي من عملية التسويق - الـ goal علشان حبايبنا اللى بيحبوا يدخلوا الانجليزي يا مرسي 
وطبعا فى ناس تانية محترفيين وعارفين هم بيعملوا ايه كويس 
علشان تفهم اللعبة وتحط ايدك على الزتونة 
تعالى فى الأول نقول 
* يعني ايه CTR 
ده مصطلح فى التسويق الإلكتروني click through rate ويعنى معدل التفاعل مع الإعلان مقارنة بعدد مرات الظهور ، والغرض منه قياس مستوى تفاعل الإعلان مع الجمهور المستهدف - اللى هو الـ payer persona -
وبيتم قياسه بنسبة مئوية 0% إلى 100%
هتلاقى مقياس الـ CTR بتاع الاعلان بتاعك زي الصورة ده link
* الـ CTR واخواته الثلاثة .
- فهمنا من الجزء اللى فات ان الـ CTR مرتبط بالجمهور المستهدف - وهو ده الأخ الأكبر - وأهم عامل بيأثر على نسبة التفاعل .
يعنى كلما استهدفت جمهور مناسب لإعلانك أو للخدمة اللى بتقدمها اوتوماتك هتلاقى نسبة الـ CTR عالية ، وكلما ابتعدت هتلاقى النسبة انخفضت ( علاقة طردية ) .
- الرسالة التسويقية - هى اخته من امه وأبوه - 
بافتراض اننا حددنا الجمهور المستهدف بعناية ، 
تخيل معايا لو روحت لجمهورك قولتله خد المعلومة ده ببلاش ، مستوى التفاعل هيكون عامل ايه ؟؟؟ أكيد هيكون هجووووم وعالى آخر حاجة - أبو بلاش كتر منه - = CTR عالي
طيب لو روحت لنفس الجمهور واديتله عرض مغري ؟؟؟ هيكون التفاعل جيد ولكن مش كل الناس عايزة تشتري = CTR متوسط .
طيب لو روحت لنفس الناس وادينالهم اعلان سىء وسعر غالى ؟؟؟ - يبقى انت كده طفشت الزباين منك يا جميل - = CTR منخفض .
الكلام ده يعنى ايه ؟
يعنى بختصار الموضوع علاقتة وثيقة بالرسالة التسويقية اللى حضرتك بتقدمها وميفرقهمش إلا ولاد الحرام .
- الوقت يعنى الـ time بتاع الرسالة اللى انت عملت بيها اعلان - وده الأخ الأصغر اللى محدش بيجيب سيرته مع انه من أهم عناصر المعادلة -
مثلا لو روحت عملت اعلان عن دورة تدريبية ببلاش لطلبة الجامعة ( المفروض تلاقى أمم على الإعلان ) = CTR بيفرقع .
طيب لو روحت عملت نفس الدورة لنفس الناس لكن فى وقت الإمتحانات ؟؟؟
ابقى قابلني لو حد عبرك smile emoticon = CTR منعدم
وبعد ما اتعرفنا على الـ CTR واخواته تعالوا نشوف كبير العائلة " الهدف " - هو اللى مشغلنا هو - 
* الـ CTR وعلاقته بالهدف ( الـ GOAL يعني )
مش الـ CTR لوحده هو معيار القياس لنجاح أو فشل الحملة الإعلانية بتاعتك .
لكن علاقة مستوى التفاعل " CTR " بهدف الحملة هو المطلوب إثباته .
يعنى ايه الكلام ده ؟ - خد عندك -
لو انت بتعمل branding او awareness يبقى أكيد مستوى التفاعل اللى هو CTR هيكون منخفض ( وده لأن الجمهور جديد ولسة ميعرفكش وهدفك انت تنتشر وتتوغل وتنتشر )
ولو بتعمل posisioning يبقى أكيد مستوى التفاعل هيعلى شوية .( لأنك هتشتغل على نفس الجمهور اللى انت عملتله branding بالتالى هيكون فيه فضول عند الناس تعرفك وتتفاعل معاك )
ولو هدفك انك تعمل engagement وبتدى للناس value وبس ، يبقى الـ CTR هيولع يا مان .( لأن فى المرحلة ده جمهورك وثق فيك بعد المرحلتين السابقتين ) .
ولوهدفك مبيعات - sals leades - هنا هيعتمد على شطارتك فى الـ 3 محاور اللى فاتوا وانت اشتغلت عليهم كويس ولا لا و هل الجمهور وثق فيك ولا لا وهل عنده الإحتياج للمنتج ولا لا وهكذا ..
انتبه : انت لو بتعتمد على الـ CTR لوحده تبقى فاشل - صوت فى الخلفية بينادى : يافاشل يا فاشل يا فاشل -
* ايه الرقم اللى يكون فيه عالى أو مخفض ؟
طيب وهو عالى يعنى كام % ومتوسط يعنى كام % ومنخفض يعنى كام % .
النسب والأرقام بتختلف من مجال لمجال ومن مرحلة لمرحلة ومن goal لآخر ، يعنى حضرتك محتاج تثبت كل العوامل الخاصة بالاعلان علشان تتفرغ لقياس الـ CTR وبس
وطبعا مش هتعرف تعمل كده غير لما تكون عامل حاجتين الأول
1- محدد بالضبط مين هو العميل بتاعك . payer persona .
2- محدد بالضبط ايه هدفك من الرسالة الـ GOAL 
ساعتها تمسك الـ CTR مع كل اعلان وتحلله وتشوف هو عالى ليه وانخفض ليه .
*** - محدش فاهم حاجة - *** يعنى أعمل ايه دلوقتى ***
يا صديقى العزيز 
اعمل ملف صغير لمتابعة اعلاناتك زي كده ( رابط .)
وكل ما تعمل اعلان نزل نتيجته فى الجدول ده .
والاعلان اللى يضرب معاك اسأل نفسك 3 اسئلة .
1- ايه اللى انا غيرته فى الجمهور .
2- ايه اللى انا غيرته فى الرسالة .
3- ايه اللى انا غيرته فى التوقيت .
اتمنى كل واحد يكون عرف الـ CTR بتاعه بيعلى امنى وبينخفض امتى
لو عندك استفسار اسألنا ولو عندك تجربة شاركنا بيها
ولو كلامي مش عاجبك ياريت تصححلى
تحياتى للجميع ، دمتم مبدعين .


الكاتب : أ- وليد الباشا

_________________
Mohamed Sobhy | 
avatar
mohamed sobhey
Admin
Admin

عدد الرسائل : 90
العمر : 26
الموقع : http://sobhy.own0.com
نقاط : 15660
تاريخ التسجيل : 20/01/2009

http://sobhy.own0.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى