تحب تشوف إيه فى الـ Report بتاع الـ Digital marketing ؟

من طرف mohamed sobhey الأحد يناير 24, 2016 7:44 am

تحب تشوف إيه فى الـ Report بتاع الـ Digital marketing ؟

سؤال كتير بنسأله لعملائنا وبنلاقي دائما الردود مختلفة وللأسف كتير منهم لسة مش عارف المفروض انه يشوف ايه فى الـ report بتاع الحملة التسويقية ويقيم إزاي نتيجة الحملة ده حققت الـ Goal بتاعها ولا لأ !

يلا نتفق الأول ان دور الـ marketing هو generating needs واللى بيتحول بعد كده لـ generating leads .
ده يخلينا نقول ان مفيش مرحلة مش مهمة ولا هدف يمكن الإستغناء عنه

أول حاجة لازم نسال ، احنا محتاجين التقرير ده لإيه ؟
بمعنى هل هذا التقرير لحملة تسويقية فى ادارة المحتوى على السوشيال ميديا ام حملة اعلانات مدفوعة ؟
وهل الهدف من الحملة كان Branding ولا كان المطلوب engagement ولا الهدف انك تعمل Sales leads ؟
وده علشان نقدر نحدد المعطيات اللى محتاجين نوفرها لكتابة التقارير وتحديد المعايير اللى هيتم قياس الحمله او هدف الحملة بناءا عليها .
وهدف الحمله بيختلف من حملة تسويقيه لاخرى و من مجال للاخر .
بمعنى لوكان الهدف هو عمل branding ( انتشار ) فى وسط العملاء فبالتالى هندور على الـ Reach و الـ imprition اللى الحملة وصلتلها.
وهنا بنحسب مردود الحملة بالـ CPM .
وإذا كان الهدف انك تعمل engagement ( تفاعل مع الجمهور ) : يبقى أول حاجة هندور عليها فى كام واحد عمل click و like و comment و share .
وهنا بنحسب تكلفة مردود الحملة بالـ CPE : التكلفة مقابل كل تفاعل تم مع الحملة .
أما هدف المبيعات وهو انك توصل لأكبر عدد من المكالمات أو الإستمارات الخاصة بطلب المنتج ، وده بنسميها Leads ، وضرورى هنا يكون في تواصل بين التسويق والمبيعات علشان نعرف مردود الحملة الحقيقي .
ونقدر كمان نحلل هل الـ leads اللى بتيجي من التسويق حقيقية ومستهدفة ولا بتبقى out of target ؟
وهنا بنحسب تكلفة الحملة بالـ CPL : التكلفة مقابل طلب العميل الواحد .
ونيجي لنقطة مهمة جدا فى التقرير وهي حساب الـ cost per action ونقصد بيها تكلفة العميل الحقيقية ، وبتكون باختصار نصيب كل عميل تم التعاقد معاه من كل مصروف اتصرف على الحملة التسويقية خلال الفترة .
وهنا بنحسب تكلفة الحملة بالـ CPA : التكلفة مقابل العميل المتعاقد .
كل ده للوصول فى النهايه لأعلي ROAS" return on ad spent " يعني أعلى مردود من الفلوس اللى اتصرفت على الحملة من الأول للآخر
الآن دور اننا نقدم الـ Report :-
نعمل لينا ملف اكسيل ونحط فيها كل نقطة من دوول ونسجل نتائجها اول بأول و نبدأ نقارن كل يوم عن الاخر ونغير كل فتره اسلوب الحمله و نسجل ونقارن لحد ما نوصل لحمله تسويقيه او اعلانية ناجحه باقل تكلفه و اكبر عائد من الاستثمار اللى قمنا بيه
ده ملخص بسيط لعمل التقارير التسويقيه وبالتاكيد زى ما قولنا قبل كده كل مشروع بيختلف عن التانى
قولنا ايه الى بتحتاج تعرفه ايه فى ال Report الخاص بحملتك التسويقية ؟